|
|
|
| BIZIMLE ELAQE |
|
|
|
|
 |
LACININ ISAGALI
Laçın rayonu Azərbaycan Respublikasının cənub-qərbində dağlıq ərazidə yerləşir. Şimaldan Azərbaycanın Kəlbəcər rayonu, şərqdən Xocalı,Şuşa və Xocavənd rayonları, cənubdan Qubadlı, qərbdən isə ermənistan respublikası ilə həmsərhəddir Laçın rayonunun ərazisi 1883 kvadrat km-dir. 01 yanvar 2004-cü il tarixə əhalisi 65507 nəfərdir. Rayonun mərkəzi Laçın şəhəridir, əhalisi 14500 nəfərdir. 65 min əhalisi olan bu səfali məkan 126 kənddən, 1 şəhərdən və 1 qəsəbədən ibarətdir. Laçın 1923-cu ilə qədər Abdallar, sonra isə Laçın adlanıb. Ərazisi əsasən dağlıq relyefdən ibarətdir. Burada əsasən maldarlıq, arıçılıq, əkinçilik, taxta-şalban istehsali inkişaf edib. Hal-hazirda Laçın rayonunun əhalisi Azərbaycan Respublikasının müxtəlif ərazisinə səpələnmişdir
İşğal nəticəsində: 18 May 1992-ci ildən ermənistan Respublikası tərəfindən işğala məruz qalıb. İşğal nəticəsində 264 nəfər şəhid olmuş, 65 nəfər girov götürülmüş, 103 nəfər əlil olmuşdur. Rayon üzrə 1 yaşdan 16 yaşadək mövcud olan 24374 nəfər uşaqdan 18 nəfəri şəhid, 225 nəfəri əlil olmuş, 1071 nəfəri, o cümlədən 31 nəfəri hər iki valideynindən yetim qalmışdır. İşğala qədər rayon ərazisində 133 iri və orta müəssisə, 20 tibb müəssisəsi, 217 mədəniyyət ocağı olmuşdur. Laçın ərazisi başa-baş bir tarix muzeyidir. Abidələr neçə min ildən bu yana tarixi həqiqətlərdən söz açır, milli varlığımız haqqında soraqları bu günümüzə yetirir. Coğrafi mövqeyi Laçın rayonu ən yüksək dağ rayonlarından biridir. Ən hündür nöqtəsi dəniz səviyyəsindən 3594 m yüksəklikdə yerləşən Qızılboğaz dağıdır. Ərazidə narzan tipli bulaqlar, çoxlu miqdarda müxtəlif tikinti materialları, yataqları vardır. Rayonda 126 yaşayış məntəqəsi yerləşir. 1992-ci il rayonun ərəzisi erməni silahlı dəstələri tərəfindən işğal edilmişdir. İqtisadi xarakteristikası Rayonunun iqtisadiyyatında heyvandarlıq əsas yer tutur. Kənd təsərrüfatının əsasını taxılçılıq, meyvəçilik təşkil edir.
LAÇIN TALAN EDİLİR
Bu günlərdə Ekologiya və Təbii Sərvətlər Nazirliyi bəyan edib ki, Azərbaycanın Ermənistan tərəfindən işğal olunmuş Laçın rayonunun meşələri qırılaraq istehsal üçün xarici ölkələrə göndərilir. "Rayonun Piçəniş və Hacışamlı meşəliklərindən qırmızı palıd qırılaraq, konyak istehsalında istifadə olunan çəlləklərin hazırlanması üçün Fransaya, təbii halda bitən külli miqdarda iri gövdəli qoz ağacları isə kütləvi qırılaraq mebel istehsalında istifadə məqsədilə İrana və Avropa ölkələrin satılır", - deyə nazirliyin mətbuat xidməti bəyan edib.
Nazirlik bu faktları "İşğal olunmuş Azərbaycan ərazilərində ətraf mühitə və təbii sərvətlərə dağıdıcı təsiri müəyyənləşdirən (izləyən) operativ mərkəz" tərəfindən aşkarlayıb. Nazirlik bəyan edir ki, rayonun Hacılar və Sadınlar kəndlərinin ərazisində olan 65 hektar meşə sahəsi tamamilə qırılıb. Bu və digər vəhşiliklər nəticəsində rayona ümumilikdə 7 milyard dollar həcmində ziyan dəyib, 58229 nəfər məcburi köçkün düşüb.
İşğal nəticəsində rayonda 333 nəfər şəhid, 225 nəfər əlil olmuş, 33 nəfər uşaq isə hər iki valideynini itirmişdir. Hazırda rayonun 68303 nəfər əhalisi əsasən Bakı, Sumqayıt şəhərləri, Abşeron, Bərdə, Tərtər, Ağcabədi rayonlarında, Taxtakörpü qışlağında və digər ərazilərdə məskunlaşıb.
|
|
 |
|
|
|
|
|
| Unutmayaq |
|
|
|
|
|
|
|
|
|
|
 |
|
| |
|
|
